Allgäuer Sprüche

Eine Sammlung von Allgäuer Sprüchen, die ich entweder selber gehört oder irgendwo gelesen habe.
Sie beinhalten eine Fülle von Weisheit, Lebenserfahrung und Humor.


Spruch des Monats:
A krumms Holz geit au a grads Fuir.



Iatz wend mer mol sehe, hot dr Blinde gsait; ar hot aber wellaweg nix gseah.
Andre Leit sind au Leit....Kommentar hierzu
Deam ha i s Laufe zoiget, hot dr Jägar gsait, well ar de Hase it troffe hot
Wenn no alle Leit wäret, wie i sei sott
Vom Schaffe wiad ma it reich, sonst wäret die Kleine die reichste Leit
Was kasch gege Gwalt mache? hot s Mädle gsait ond hot de Kerle ins Bett zoge.
Solang eiser Herrgott nimmt, nimm i au, hot dr Wittwar gsait, weil ar die viert Frau gheiret hot.
Neunmol abgschnitte ond no z kurz, hot dr Baur gsait
Was Guets isch nie schleacht (Originalzitat von meinem Großonkel Brose)
Hintre, noranand, hot s Weible gsait, weil se ihre gotzige Geiß in Stall triebe hot.
Dreimol schlecht geasse isch au gfaschtet....
Ledig gstorbe isch au it verreckt
Wenn d Henna gut hocket, dann schearret se so lang, bis se schlecht hocket
D Menge muess es mache, hot dr Kramar gsait, wie ar bei jedam Schuhbendel an Pfennig drufzahlt hot
Hinter m Berg sind au Leit....Kommentar hierzu
I red it auf mein Nutze, hot dr Fuchs gsait, i sag blos: De Henna sott ma ins Holz treibe, do geits allat ebbas zum schearre
Bei eis rührt sich ebbas, hot dr Bauer gsait, well eam s Weib mit m Bese noche isch
Die Alte schwätzet gean vom alte Käs (so kommts mir bei mir selber auch schon manchmal vor...)
Num mähe isch koi Sünd, aber rum reache
Du bischt an Esel, hot dr Esel zum Esel gsait
D Wealt isch groß, hot s Weible gsait, se goht bis weit unterhalb Kempte na
Die dumme Sieche moinet, die Gscheite wisset nix
Ma sott lieber zehemole in Dreck beisse, wie oimole a Weib aluege (muss ein frustrierter Allgäuer gewesen sein...)
Wenn i no scho gschimpft schlofe dät...(westallgäuer Ausdruck, wenn man müde wird..vor allem die Männer...)
Wer nie a Gleagehoit hot, hot guet brav sei
Oimol isch it oft ond Zwoimol isch it allat....das ist die Allgäuer Mathematik...
I ha Glück bei de Fraua, hot dr Seal gsait, mir gfällt a jede!
A jede Witwe leabt länger als ihr Ma, so hot ma allat gsait
A Altusrieder Landwirt hot gsait: Woisch, wenn oinar kut ond mei beschte Kuh für 3000 Mark kaufe will,
dann gib i se her, des isch doch klar.
Die ka morge scho genauso hie sei.
Es hot se no koinar welle, aber weil s du bisch, sollsch se kriege, hot de Vatter zum Brautwerbar gsait.
D Wuche will au gar koi End it neahme, hot de Maurar am Montag Morge gsait
Ma ond Weib isch oi Leib, hot de Bauer gsait ond hot de Brote alloi aufgeasse
S isch huitzedag viele Baure a Zentnar Kunschtdüngar lieber wie zehe Weatterseage
D Kieche isch a bitzle z kloi, hot dr Pfarrar gsait, wenn alle neiginget, ginget it alle nei,
aber well it alle neigand, gand alle nei.
Mit andre Leit s Fidle isch guet dur s Fuier rutsche!

Zurück