Dr Sommer kut

Dr Sommer kut, ar isch scho bschtellt
Dr Guggar hot mer s nächt verzellt
D Amsel singt mer, des wär wohr
Es geit a guetes, warmes Johr

Dr Löwenzahn der goht scho gau
De Hahnefueß bleibt stur no schtau
De Krottestengel drucht meh raus
Dr Nachbaur denglet d Seages....dann isch aus

Sommer, du, du bisch doch mei Freind, bisch so gean gseah, guet glitte bei de Leit
Bleib no do ond gang it glei meh fut, weil noch dir gschwind de Winter kut

Komm no Sommer, brauchsch it wate
S Gmies grot guet mit dir im Gate
Dür ond Fenschter sind meh offe
De Winter, der isch wohl verschloffe

So gean hock i dann voana duss
Mit eifuiere isch endlich Schluss
I ka meh s kuze Häs raushole
Du, Sommer, hättsch nie futgau solle

Sommer, du, du bisch doch mei Freind, bisch so gean gseah, guet glitte bei de Leit
Bleib no do ond gang it glei meh fut, weil noch dir gschwind de Winter kut




Einfach eine Freude, wenn der Sommer ins Land zieht, die Nächte warm und die Tage etwas heiss macht. Jedes Jahr wünsche ich mir, daß der Sommer nicht so schnell vergehen sollte. Den Sommer mag ich richtig gern.

.