Allen Freunden und Bekannten: Frohe und gesegnete Weihnachten!
Corona-Weihnächte
A jedar hockt für sich alloi
Am Hoilig Obend halt Drhoi
Glühwei, Loibla, Kezeschei
So bringt des nix, des lass i sei
A Netflix ond a Amazon
Des hilft mir iatz denn eher schon
Mei, insgesamt bin i it zfriede
Unter m Johr, do ha i s gmiede
Doch iatz wär mir d Verwandtschaft reacht
Ohne die isch d Stimmung schleacht
Drum lad i alle zu mir ei
Weihnächte soll wie immer sei
De Christbaum hammer sche hergricht
Mit guetem, echtem Kezeliacht
Leabzealte ond Loibla han i bachet
An Glühwei grad no ganz gschwind gmachet
Noch frischem Daas schmeckts überall
Ond s Jesuskindle liegt im Stall
Ganz ohne Maschka hock mer zämet
Mei, wenn heit die Bulle kämet
Dät eis oinar iatz nahänge
Haglet s Strofa jede Menge
Weihnächte isch zmol kriminell
Ja, alls ändret sich reacht schnell
Gschenker geits, phänomenal
Krawatta, Sock, a gschtricktar Schal
Parfüm, Pralina sind drbei
Es fällt halt koim was Gscheites ei
De Onkel bringt an Pflitzgar mit
Ond alle hand an Virus kriegt
