Allen Freunden und Bekannten: Frohe und gesegnete Weihnachten!
Der Weihnachts-Boykott
I due iatz numma wie ma sott
I mach gau au mol an Boykott
Bei der Corona-Impferei
Bin i frei numma mit drbei
Vom Fußball lueg i nix meh a
Weil i Kathar it leide ka
I will gegs alles proteschtiere
Au gean amol a Bild verschmiere
Do kut mr Weihnächte grad richtig
Des boykottiere find i wichtig
Es goht eh blos um Konsum und Geald
Dass ma jo gnue Glump sich bschtellt
Beim Advent fang i scho a
I gang auf koinen Maat meh na
Gut, i war au friehner nie
Aber mit Boykott isch bsonders schie
Gschenker kauf i huier koine
Weihnachtslieder ? Des kasch moine
Koi Christbaumkugel lang i a
I boykottier alls was i ka
I will koi Keza, koine Liachter
Auf d Weihnachtsaproch gean verzichte
Gmietlich, faul ond gar nix do
Des isch vo meim Boykott dr Loh
Die Feschtdäg sind dann voll vergrote
Alls ohne Loibla, ohne Brote
Die Katastrophe isch passiert:
D Muettr hot d Kuche boykottiert!
