Es reanget wiascht, es bloset
Kähl ond wie verruckt
Dass es Bäum ond Bösche
Bis an de Bode druckt
Im Gegewind goht s Radle
Ahebe erbar schwer
Wenn i heit blos itta
So weit gfahre wär
Verstand mi reacht, mir gfällt der
Wilde, wiaschte Dag
Des khert zum Herbscht drzue
Suscht wär ar mir zu lack
Doch in dr warme Stube
Faul auf m Kanapee
Gmietlich do nausluege
Des wär doppelt sche
Wenn allat dinna hockesch
Im sichre, warme Haus
Do wuresch ganz verdoiget
Ond wottesch numma naus
So isches au im Leabe:
Bisch allat blos guet dra
Dann fangsch weags jedam Fluigedreck
Glei zum Jammre a
Kennst du so Leute, die wegen jeder Kleinigkeit rumjammern ?
Denen es eigentlich bombengut geht, jedoch nur jammern und klagen ?
Manchmal bin ich selber so einer....