Loiblesbacherei

So Mibba im November
Bricht bei mir d Hektik aus
Des goht dann bis Dezember
Weit nochm Nikolaus
Mankar wiad sich froge
Was ka denn des blos sei
Was mi derart bloget
Des isch die Loiblesbacherei

In Tausend Läde spring i rum
Bis i alles ha
Jedsmol fehlt mer no a Trumm
Koi Johr krieg i s na
Sind Kinder endlich aus m Haus
Dann fang i woile a
Hol Muetters Kochbuch raus
Ond bach soviel i ka

Grad gut gohts heit vo dr Hand
De Stundezoigar rennt
Siebe Bleacher noranand
Ond dann isch alls verbrennt
Jeds Johr goht des so bled naus
Aber s isch au ohne Loibla nett
An Feschtschmaus geits im Hennehaus
Ond i bi eh scho z fett




So krass habe ich es selber nie erfahren, aber wer weiss, kann ja mal vorkommen....

















.