D Baure richtet s Mähwerk her ond schearet omanand
A Spannung ka ma zmole gschpüre iberall im Land
A gealar Teppich vollar Bluma durzieht iatz Berg ond Tal
No länger zuezumwate isch für jedan Baur a Qual
Drum gang no naus ond lue s dr a, die große Blumepracht
Des ka guet sei, dass die verschwindt, grad heit über Nacht
Die Monster-Bulldog watet scho, alls isch woile gricht
Zapfwalla sind zwoimol gfettet, als ob s des denn bricht
D Meassra sind scho lang frisch gschliffe für an saubre Schnitt
Gwachse isch es guet des Futter ond s Weatter macht au mit
Drum gang no naus ond lue s dr a, die große Blumepracht
Des ka guet sei, dass die verschwindt, grad heit über Nacht
De Birebaum stoht in dr Blüte, weiß ond wundervoll
Alles summt ond alles brummt, alls isch wie es soll
A blauar Himmel leuchtet drüber, vollar Herrlichkoit
Es blieht, es wachst, es leabt ond lachet, mei, isch des a Freid
Drum gang no naus ond lue s dr a, die große Blütepracht
Des ka guet sei, dass die verschwindt, im Hagel über d Nacht
Lue se a, die junge Fehla, wie sche ond stolz se gand
Do wo die sind, sind au Buebe um se omanand
Se dräzet sich, se kittret, lachtet, vollar Übermut
I lueg zue ond denk für mi: mei, hand die es guet
Drum gang no naus ond lue s dr a, die jungendliche Pracht
Für mi isch des iatz grad aso, als wärs fut über d Nacht
Wie wundervoll sind doch die strahlend leuchtenden Löwenzahnwiesen im Frühling
bei uns im Allgäu. Und dazu die weiß blühenden Obstbäume und der blaue Himmel darüber.
Ich liebe diese Zeit. Leider sind es nur ein paar Tage, dann wird alles abgemäht.
Jedesmal kommt mir die Zeit zu kurz vor.
Diesen Gedanken kann man auch auf das Leben anwenden. Jetzt bin ich weit über 50
und tatsächlich kommt es mir wie erst vor kurzem vor, wenn ich an die Zeit denke,
wo ich 20 war.