Morgestean

Mei, Morgestean, wie brauch i dei Liacht
Zoig mir de Weg Hoi zu dir
Minder als a Kneacht auf deam fremde Hof
Muess schinde ond krieg nix drfür
Z jung war i, z stark war i, drzue na no z bled
Drum goht iatz alls hinderfier

Mei Heaz, des zieht mi Hoi
Bi z weit fut, bi ganz alloi
Wie guet ha s i doch ghett
A warmes Easse ond a warms Bett

Mei, Morgestean, wie brauch i dei Liacht
Zoig mir de Weg Hoi zu dir
Schenk mer no ei, s goht eh scho schleacht
Ka grad do, was i will
Am Feald, in kiehle, schloflose Nächt
Scheint dr Mond leer ond still

Mei Heaz, des zieht mi Hoi
Bi z weit fut, bi ganz alloi
Wie guet ha s i doch ghett
A warmes Easse ond a warms Bett

Mei, Morgestean, wie brauch i dei Liacht
Zoig mir de Weg Hoi zu dir



Ein Lied von der Sehnsucht, die man in einer fremden Umgebung nach zu Hause hat, ein Lied über den verlorenen Sohn.