D Sonne scheint, a Friehlingsdag
Warm wiad s heit grad auf oin Schlag
D Luft isch mild, de Himmel klar
De Virus, der isch unsichtbar
Wie herrlich hell lait s Land vor mir
I frai mi, dass i numma frier
D Stärla singet "Komm doch mit"
De Virus halt, dean sieht ma it
Die Zeita die sind ungewiss
Mir hand gmoint, mir hand alls im Griff
Doch so isch es gar nie gweah
So isch es gar nie gweah
Endlich wiad meh s Leabe leicht
Well iatz mir alls viel schöner deicht
Lass mi vom Friehling gean verführe
De Virus, dean kasch halt it spüre
Im Wald isch s Liacht so wunderbar
Wenn i mit m Rad dur fahr
A Buschwindrösle lacht mi a
De Virus, der kut ibrall na
Die Zeita die sind ungewiss
Mir hand gmoint, mir hand alls im Griff
Doch so isch es gar nie gweah
So isch es gar nie gweah
Alls baut a Neascht, will sich vermehre
Die Freid am Leabe ka am höre
D Bluma drucket ibrall raus
De Virus broitet sich schnell aus
D Blosmusik spielt no a Stuck
I trink vom kiehle Bier an Schluck
Was kinnt denn heit no schöner sei
De Virus schleicht sich ibrall ei
Die Zeita die sind ungewiss
Mir hand gmoint, mir hand alls im Griff
Doch so isch es gar nie gweah
So isch es gar nie gweah
Wer hätte gedacht, dass sich die Zeiten mal so
verändern. Ich nicht. In diese wundervolle Frühlings-
stimmung hat sich dieser blöde Virus eingeschlichen und
er unterwandert alles. Lasst euch nicht unterkriegen.