Weihnachten 2015



Allgäuer Weihnacht 2015

Iatz kut meh die stille Zeit
Auf die es mi scho so lang freit
Mir hocket gmietlich in dr Stube
Vatter, Mutter, Mädla, Buebe
A Keze brennt hell aufm Tisch
Ma schmeckt a Daas, es isch no frisch
Sealgmachte Loibla, a wink an Punsch
Ma duet it groß, ma hot koin Wunsch
Zfriede schwätzt ma mitanand
Wie guet mer s allat zämet hand
Ma denkt ans Christkind ond an s Leabe
Gott hot so viel Gnad eis geabe

Des war amol, des isch vorbei
Huitzedag muess groß dau sei
Mir leabet in moderne Zeita
Es fangt scho a beim Vorbereite:

So, huier pack mers, des bleibt fix
Mir schenket mol anander nix
Endlich koi Elends-Springerei
Es fällt ja niemed Ebbas ei
Mit Krawatta ond mit Socka
Kasch koin vom Ofe viere locke
Huier geits koin Stress ond wiad nix bachet
Dr Bäckar hot gnue Loibla gmachet
Do hol i mir an ganze Schwung
Was soll der Geiz, i bi it dumm!

Dr Hoilig Obend kut drher
A schenar Dag, i ha s it schwer
Schlof aus, trink gmietlich meinen Tee
De Baum scho fetig, d Stube sche
An Haufe Deko, bunte Liachter
Wuchalang isch alls scho grichtet
S Easse vorkocht, i bin parat
Iatz merk i gau, der Dag wiad fad
Gschenker geits koi zum verpacke
Do bleibt mer blos, ins Sofa flacke

Dr Obend kut, alls hockt in d Kuche nei
Modern muess s Easse heit mol sei
A Selleriesuppe mit Ingwer dinn
Dass i schier glei aus m Fenster spring
S altmodisch Easse hot mer gschmeckt
Beim Nuie wär i schier verreckt

Dann gammer all in d Stube num
Dr Christbaum stoht seit Wucha rum
Drum koinen dean meh intressiert
Mir hocket rum ond wearet miad
Nix zum Schwätze, nix zum Schenke
Des isch a Stimmung, kasch dr denke
D Kind lueget blos in d Smartphones nei
De Alte fällt glei gar nix ei
Dr oi duet im Amazon was bstelle
Dr Vatter hot s fünft Schnäpsle welle
D Mutter goschet, lass des sei
Der schenkt sich aber weiter ei

Ma rummet d Deko ra vom Tisch
Drmit a Platz für d Füß druf isch
Dann schaltet se de Fernseh ei
Ond ziehnet sich Stirb langsam nei
Wo friehner s Jesuskindle war
Isch Bruce Willis heit dr Star

Leit ond Zeit sich ändre dond
Doch it alls drvo isch gsond

Hochdeutsche Übersetzung:

Jezt kommt wieder die stille Zeit
Auf die es mich schon so lange freut
Wir sitzen gemütlich in der Stube
Vater, Mutter, Mädchen, Jungen
Eine Kerze brennt hell auf dem Tisch
Man riecht Tannenzweige, noch ganz frisch
Selbstgemachte Plätzchen, ein wenig Punsch
Man ist bescheiden, hat keinen Wunsch
Zufrieden quatscht man miteinander
Wie gut wir es doch zusammen haben
Man denkt ans Christkind und ans Leben
Gott hat so viel Gnade uns gegeben

Dies war einmal, dies ist vorbei
Heute muss man großspurig sein
Wir leben in modernen Zeiten
Es fängt schon an beim Vorbereiten:

So, diesmal schaffen wir es, es bleibt fix
Wir schenken uns einander nichts
Endlich keine Elends-Springerei
Es fällt ja doch niemandem etwas ein
Mit Krawatten und mit Socken
Kann man keinen vor den Ofen locken
Dieses Jahr gibts keinen Stress und kein Backen
Der Bäcker hat genug Plätzchen gemacht
Dort hole ich mir eine ganze Menge
Was soll der Geiz ? Ich bin nicht dumm

Der Heilige Abend kommt daher
Ein schöner Tag, ich hab es nicht schwer
Schlafe aus, trinke gemütlich meinen Tee
Der Baum bereits fertig, die Stube schön
Eine Menge Deko, bunte Lichter
Seit Wochen ist alles bereit
Das Essen vorgekocht, ich bin parat
Jetzt merke ich langsam, der Tag wird fad
Geschenke gibt es nicht zu verpacken
Da bleibt nur eins: ins Sofa liegen

Der Abend kommt, alles setzt sich in die KÜche
Modern muss das Essen heut mal sein
Selleriesuppe mit Ingwer
Dass ich schier aus dem Fenster springe
Das altmodische Essen hat mir geschmeckt
Beim neuen wär ich fast verreckt

Dann gehen wir alle in die Stube hinüber
Der Christbaum steht seit Wochen herum
Deshlab interessiert sich niemand mehr für ihn
Wir sitzen herum und werden müde
Nicht zu reden, nichts zu Schenken
Das ist eine Stimmung, das kannst du dir denken
Die Kinder schauen nur in die Smartphones hinein
Den Alten fällt überhaupt nichts ein
Der eine bestellt etwas bei Amazon
Der Vater wollte den fünften Schnaps
Die Mutter schimpft, lass das sein
Der Vater schenkt sich weiter ein

Man räumt die Deko weg vom Tisch
Damit genug Platz für die Füße ist
Dann schaltet man den Fernseher ein
Und man zieht sich Stirb langsam rein
Wo früher das Jesuskindlein war
Ist Bruce Willis heut der Star

Leute und Zeiten sich ändern
Doch nicht alles davon ist gesund