Weihnachten 2014 03.12.14



A gutar Rot zu Weihnächte

Bleib z Weihnächte Drhoi ond gang it fut
Zieh die in dei kuschlige Stube zruck
Mach d Läde zue, sperr alles a
Drmit koinar die verroiche ka
Dann hosches gmietlich, dann isch es sche
Dei wichtigst Möbel isch dei Kanapee

Lass di it störe, wie s Weatter au isch
Du hosch ja etle Bücher auf m Tisch
Noch a paar Seita wiasch du scho miad:
Blos oi Gelaber ond gar nix passiert
Des musch dir it gea, schalt de Fernsehar ei
S kut oi Saich noch m andre, ja ka denn des sei ?

Iatz wiads gau eng, was kinntesch no do ?
Lang halt mol num zum Telefo
Koinar goht na, so machts koi Freid
An Weihnächte hot halt niemed a Zeit
Stinklangweilig ond damisch hockesch rum
Do goht dei Blick Richtung Kiehlschrank num

Der Kerle isch voll, sei Tür goht kaum zue
Do musch doch glei was drgege due
Schinke, Salami, die fetteschte Wurscht
Festbier ond Schnäpsla gege de Durscht
Ja mei, schmeckt des gherig, heit hosch koi Not
Vor lauter Wurscht verzichtesch auf s Brot

Zmol wiads dr schleacht, kasch di numma derbelze
Kasch grad no hofele Richtung Klo naus stelze
Do hosch de Salat: bald alls isch me huss
Gell, iatz fühlsch di, als ob glei stearbe musch
I hoff, dass dir dämmret, dei Plan war it gut
Weil ma Weihnächte feire so halt it duet

Iatz kut mei Rot, dean kasch kostenlos hau:
An Weihnächte sott ma in d Christmette gau
Dann feire mit dr Familie, nimm dir mol richtig Zeit
So gmietlich zämethocke, des geit a Freid
A Spaziergängle mache, it gar zu viel easse
Ond kranke Verwandte it ganz vergeasse

Des merk dir guet, des mach dir fix:
Weihnächte ohne Weihnächte isch oifach nix






Ein guter Rat zu Weihnachten

Bleib zu Weihnachten daheim und geh nicht aus
Zieh dich zurück in dein Schneckenhaus
Verschliess die Türen, sperr alles zu
Heut bist du offline, heut hast du Ruh
Machs dir gemütlich, koch dir nen Tee
Dein wichtigstes Möbel ist dein Kanapee

Lass dich nicht stören, wie das Wetter auch ist
Du hast ja viele Bücher auf deinem Tisch
Nach ein paar Seiten wirst du schon müd
Nur ein Gelaber und gar nichts geschieht
Das musst dir nicht geben, schalt den Fernseher ein
Es kommt ein Mist nach dem andern, ja kann das denn sein ?

Was könntest du noch tun, eng wird es schon
Greif halt mal rüber zum Telefon
Keiner geht ran, es macht keine Freud
An Weihnachten hat leider niemand viel Zeit
Du sitzt dämlich herum, die Stimmung wird trüber
Da geht dein Blick zum Kühlschrank hinüber

Der Kerl ist randvoll, die Tür geht kaum zu
Da musst du sofort was dagegen tun
Schinken, Salami, die fetteste Wurst
Festbier und Schnäpse gegen den Durst
Ja heut schmeckt es super, du hast keine Not
Vor lauter Wurst verzichtest du aufs Brot

Schnell wird dir schlecht, musst schrecklich erbleichen
Kannst gerade noch langsam zum WC dich schleichen
Du hast den Salat, vorbei der Genuss
Jetzt fühlst du dich, als ob du gleich sterben musst
Ich hoffe, dir dämmerts, schlecht war dein Plan
Weil man Weihnachten so nicht feiern kann

Jetzt kommt mein Rat, ganz gratis und frei:
An Weihnachten sollte man in der Christmette sein
Dann feiern mit Familie und Freunden, nimm dir die Zeit
So gemütlich beisammen, das gibt allen viel Freud
Einen Spaziergang machen, nicht allzuviel essen
Und kranke Verwandte nicht ganz vergessen

Dies merke dir gut, dies mach dir fix:
Weihnachten ohne Weihnachten ist einfach nix