Wie langweilig isch weit ond breit
Doch wore eisre Weihnachtszeit
Vom Glitzgre ond modernar Musik
Wiasch blos fickrig oder bluesig
Weihnächte isch nix Bsonders meh
Mir hand s ja s ganze Johr scho sche
S Feschteasse sott voll super sei
Doch fällt oim do gar nix meh ei
A exklusivar Schnaps, a Gin
Der isch halt vom Preis it dinn
An bsondre Film im Netflix luege
Do findesch nix, do kasch lang suche
Ganz groß verroise, ins Hotel
Vergiss des mit Corona schnell
A großes Fescht, a Mega-Feier
Des isch blos Stress ond au viel z teuer
Drum mein Tipp:
Schalt de Strom aus, fahr dei Handy ra
Ond zünd ganz still a Keze a
Hocket gmietlich zamm ond gruebet aus
Lueget lang m Fenschter naus
Dann fanget mitnand s Schwätze a
Grad aso, wie jedar ma
Ohne Hektik, ohne Ziel
Land ui Zeit ond des mol viel
Dann denket dur in Dankbarkeit
So manken Dag, so manke Freid
Ond schaltet it de Fernseh ei
Des wiad dann ganz was Bsondres sei
Weihnachten als besondere Zeit zu erleben, ist eine
Herausforderung.