Spät im Johr

Spät im Johr druckt d Sonne no oimol raus
De Föhn lait auf m Land ond bringt a Wärme mit
Doch deisch di it
S isch spät im Johr

Spät im Johr a healles Grau, a bitzle trieb
Hinda isch de Himmel blau
Du woisch doch gnau
S isch spät im Johr

Nimm die Ruhe in di auf, lass los, lass laufe
Leg s Werkzeug aus dr Hand, s isch spät im Johr

Spät im Johr isch feucht de Bode, feucht au d Luft
Vom Tobel zieht a Neabel rauf
Alls het bald auf
S isch spät im Johr

Spät im Johr im Bosche hockt a Vögele
Riebig ond versteckt do dinn
Wo i au bin
S isch spät im Johr

Nimm die Ruhe in di auf, lass los, lass laufe
Leg s Werkzeug aus dr Hand, s isch spät im Johr

So goht de Dag, es dämmret scho, alles schloft
Ond alls isch still
Grad wie n i s will
So spät im Johr
Was ka ma bessers do

A Jedar vo eis muss halt mol für immer gau
Wiad an am dunkle Ufer stau
Muss alls fahre lau
Am End vom Johr
















Stimmungen zum Ende des Jahres hin, zum Ende des Lebens hin.
Gefällt mir immer wieder. Meine Wanderungen im Moor, im Wald, auf
die Hügel des Westallgäus.