Für mein Bue

Du sollsch Schlösser baue, hoch in de Himmel
Mit Türm, die bis zu de Wolka gand
Heldelieder soll ma dir singe
Vo dir schwätze soll ma im ganze Land

Dei Liebe zu de Leit soll ma kenne ibrall rum
Mit deiner Kraft geit s nix, was du it schaffsch
Ond Kinder sollesch hau, mit deinar Frau
Ob 6 oder 7, des nimm i it gnau

Dei weites Heaz des soll ma kenne ibrall rum
Koin Mensch in Not sollsch hocke lau
A verlässlichar Freind, des sollesch du sei
Ond weit weg vo allar Lobhudlerei

Du sollsch Schlösser baue, hoch in de Himmel
Mit Türm, die bis zu de Wolka gand
Heldelieder soll ma dir singe
Vo dir schwätze soll ma im ganze Land

Dei Zielstrebigkoit soll ma kenne ibrall rum
Di bringt nix so gschwind vom reachte Weg
Ehrle ond echt, des sollesch du sei
Liage ond Schedue bringt niemand nix ei

Du sollsch Schlösser baue, hoch in de Himmel
Mit Türm, die bis zu de Wolka gand
Heldelieder soll ma dir singe
Vo dir schwätze soll ma im ganze Land

Ond des alles trau i dir zue
Schließlich bisch du ja mei Bue!




Das alles (und viel mehr) wünsche ich meinen Söhnen und meiner Tocher. Und mein himmlischer Vater wünscht es mir.


Das Lied in Hochdeutsch -hier klicken-

.